Bikarmót IFBB, alþjóðasambands líkamsræktarmanna fór fram í Menningarhúsinu Hofi á Akureyri 18. nóvember. Þrátt fyrir óvenju fámennt mót voru helstu flokkar vel skipaðir og sjá mátti marga nýja keppendur stíga á svið í fyrsta sinn.
Ana Markovic varð bikarmeistari í módelfitness eftir harða keppni við Viktorija Borodko og Valentínu Hrefnudóttur sem báðar voru að stíga sín fyrstu skref á sviði. Ana Markovic er að verða einn reynslumesti keppandi landsins og hefur keppt á fjölmörgum mótum erlendis undanfarin ár. Keppnin á milli þeirra þriggja var mjög jöfn. Ana fékk 10 stig á meðan þær Viktorija og Valentína voru jafnar með 11 stig. Níu dómarar dæma og samkvæmt reglum um jafntefli sigrar sá sem fær fleiri dóma sér í hag frá þessum níu dómurum. Einn dómur réði því úrslitum.
Það var Dagur Óli Rúnarsson sem sigraði í sportfitness en í fitnessflokki karla var það unglingurinn Benoný Helgi Benonýsson sem sigraði bæði unglingaflokkinn og opna flokkinn. Benoný varð því bikarmeistari beggja flokka.
Í vaxtarræktinni var það Íslandsmeistari öldunga, David Nyombo Lukonge, sem einn mætti til keppni og hélt uppi nafni vaxtarræktarinnar sem keppnisgreinar. David hefur keppt á mörgum mótum undanfarin ár og er þess skemmst að minnast að hann sigraði í flokki 40 ára og eldri og varð annar í öflugum flokki á Íslandsmótinu sem haldið var fyrr á þessu ári.
Í wellness kvenna, sem er einskonar „mýkri“ keppnisflokkur en fitnessflokkur kvenna var það Rannveig Anna Jónsdóttir sem varð bikarmeistari. Fyrir skömmu varð Rannveig fjórða í sínum flokki á Heimsbikarmóti IFBB sem haldið var á Spáni.
Íslandsmótið 2023 fer fram í apríl
Næsta mót er Íslandsmótið. Það verður haldið í apríl 2023 og miðað við baksviðsspjall við allmarga keppendur sem voru staddir á bikarmótinu eru margir að stefna á keppni á Íslandsmótinu. Þeir sem eru að huga að því að stíga á svið geta því sett mótið í dagatalið sitt fyrir 2023. Nánari dagsetning verður tilkynnt fyrir áramót.
Úrslit Bikarmóts IFBB í fitness 2022
(Númer – Nafn – Sæti)
Sportfitness karla
1 Dagur Óli Rúnarsson 1
2 Hugi ólafsson 2
3 Mykhaylo Kravchuk 3
Fitness karla unglingafl.
4 Benoný Helgi Benonýsson 1
5 Árni Gunnar Guðmundsson 2
Fitness karla
9 Benoný Helgi Benonýsson 1
8 Daniel Gunnarsson 2
6 Árni Gunnar Guðmundsson 3
7 Kári Freyr Finnsson 4
Vaxtarrækt
10 David Nyombo Lukonge 1
Wellness flokkur kvenna
11 Rannveig Anna Jónsdóttir 1
Módelfitness byrjendur
15 Viktorija Borodko 1
13 Valentína Hrefnudóttir 2
16 Móeiður Sif Skúladóttir 3
14 Edda Ingibjörg Þórsdóttir 4
12 Alda Björk Eyjólfsdóttir 5
Módelfitness
19 Ana Markovic 1
22 Viktorija Borodko 2
21 Valentína Hrefnudóttir 3
20 Móeiður Sif Skúladóttir 4
17 Edda Ingibjörg Þórsdóttir 5
18 Alda Björk Eyjólfsdóttir 6
Fleiri myndir í myndasafninu
Hér að ofan er hægt að sjá fleiri myndir frá bikarmótinu. Myndirnar tók Gyða Henningsdóttir (www.gyda.is).
