Fosfókreatín endurnýjar byrgðir líkamans af ATP orkuefninu sem fær vöðva til að herpast saman. Byrgðir líkamans af kreatíni ráða miklu um getuna til að taka á og æfa undir miklu álagi og magn kreatíns hefur mikið að segja fyrir snerpu vöðvana. Þetta vinsælasta fæðubótarefni heims leikur því stórt hlutverk í íþróttum og æfingum. Kreatín-einhýdrat fæðubótarefni virka vel vegna þess að byrgðir fosfókreatíns í vöðvum aukast.

SÍFELLT BERAST FREGNIR AF NÝJUM RANNSÓKNUM SEM SÝNA FRAM Á AÐ KREATÍN EYKUR STYRK OG KRAFT, SÉRSTAKLEGA ÞAR SEM SNERPU ER ÞÖRF.

Spænskir vísindamenn hafa sýnt fram á að kreatín eykur kraft, styrk og flýtir fyrir endurnæringu vöðva hjá handboltamönnum. Þeir fengu 20 mg á dag af kreatín-einhýdrati í fimm daga. Þeir þyngdust og náðu framförum í mögulegum fjölda lyfta fram að uppgjöf í bekkpressu og hálfbeygjum, kraftur jókst í bekknum og hnébeygjum, spretthraða, endurteknum sprettum og stökkhæð – miðað við samanburðarhóp sem ekki fékk kreatín.

Kreatín hafði engin áhrif á þol og lítil áhrif á styrk í efri hluta líkamans samkvæmt þessari rannsókn sem er nokkuð athyglisverð þar sem íþróttamennirnir fengu kreatín í einungis fimm daga.
(Med Sci Sports Exerc, 34: 332-343)