Risvandamál hafa meira forspárgildi um yfirvofandi hjartaáfall en háþrýstingur, reykingar, sykursýki, blóðfita og offita.
Það kann að vera vísbending um lífshættulegan sjúkdóm ef limurinn er til vandræða í kynlífinu. Þetta er niðurstaða fjölmargra lýðheilsurannsókna. Ein þeirra var tímamótarannsókn á 9.400 karlmönnum sem birt var í hinu virta riti Journal of the American Medical Association. Risvandamál eru samkvæmt henni áreiðanlegasta einkennið sem bendir til að hjartasjúkdómar eða hjartaáfall séu í vændum.
Vísindamenn í San Antonio sem starfa við Miðstöð Heilbrigðisvísinda við Háskólann í Texas undir stjórn Ian Thompson komust að því að karlmenn með risvandamál voru í mun meiri hættu gagnvart hjarta- og kransæðasjúkdómum en karlar sem voru ekki í vandræðum með liminn.
Karlar með risvandamál eru 80% líklegri en aðrir til að þróa með sér hjartasjúkdóma og þeir sem eru á aldrinum 40-50 ára eru í tvöfallt meiri hættu gagnvart hjartasjúkdómum í samanburði við karla sem eru ekki með risvandamál.
Kynlífstengd vandamál byrja snemma. Samkvæmt rannsókn sem gerð var við Emory Háskólann kom í ljós að hreyfing og líkamsrækt var nauðsynleg forsenda þess að kynlífið væri upp á sitt besta hjá karlmönnum á aldrinum 18-40 ára.
Karlar sem hreyfa sig mikið lenda síður í risvandamálum og eru almennt ánægðari með sitt kynlíf en kyrrsetukarlar.
Ekki bíða of lengi. Hreyfðu þig mikið á yngri árum og njóttu kynlífsins. Komi upp risvandamál til lengri tíma skaltu heimsækja lækni. Hjarta- og æðasjúkdómar eru stærsti orsakavaldur örorku og dauðsfalla í heiminum.
(Journal of Sexual Medicine, 9:524-530; ScienceDaily, vefútgáfa)