Nú þegar nokkrir dagar eru þar til skráningu lýkur á Íslandsmótið í fitness, módelfitness og vaxtarrækt hafa 178 keppendur skráð sig. Met var slegið á síðasta móti sem haldið var í nóvember, en þá kepptu 109 keppendur. Fjöldinn er því að ná nýjum hæðum þessi misserin. Tæplega 100 af skráðum keppendum keppa í módelfitness.
Komin er gróf dagskrá fyrir keppendur en hún er eftirleiðis:
Dagskrá Íslandsmótsins í fitness, módelfitness og vaxtarrækt
Miðvikudagur 4. apríl
18.00 Vigtun og mæling fitnessflokka karla og vaxtarrækt
Mæting stundvíslega í Háskólabíó. Keppendur muna að koma með geisladisk með tónlist fyrir frjálsar stöður. Diskurinn þarf áður að vera vel merktur nafni keppanda og keppnisflokki. Merkið diskinn áður en mætt er á staðinn. Allir keppendur sem þarf að vigta ættu að vera í keppnisskýlu innanundir.
Vigtun og mæling fitness karla, allir flokkar
Fitness kvenna, -163 sm, +163 sm, +35 ára, unglingaflokkar.
Hæðarmæling. Keppendur í -163 og +163 sm flokkum mæti og eru hæðarmældir í lituðu bikini. Keppnisfatnaður skoðaður hjá öllum. Allir keppendur sem þarf að mæla eða vigta ættu að vera í keppnisskýlu innanundir.
19.00 Módelfitness, mæting
Keppendur mæti stundvíslega. Hæðarmæling módelfitnesskeppenda. Mæling fer fram í lituðu bikini. Keppendur ættu að mæta í bikiníinu innan undir fatnaði. Unglingar þurfa ekki að fara í hæðarmælingu en þurfa að sýna keppnisfatnað. Allir módelfitnesskeppendur komi með keppnisfatnað til skoðunar.
Fimmtudagur 5. apríl
10.00 Húsið opnar
11.00 ÍSLANDSMÓTIÐ Í MÓDELFITNESS – FORKEPPNI
18.00 ÍSLANDSMÓTIÐ Í MÓDELFITNESS – ÚRSLIT
Föstudagur 6. apríl
11.00 Húsið opnar
12.00 FITNESSFLOKKAR KARLA, KVENNA OG VAXTARRÆKT – FORKEPPNI (ath breyttan tíma)
18.00 FITNESSFLOKKAR KARLA, KVENNA OG VAXTARRÆKT – ÚRSLIT
Nákvæmari dagskrá verður birt hér næstu daga og keppendur fá hana sömuleiðis senda í tölvupósti.
