Síðan 1980 hefur offita barna þrefaldast. Ætla má að það sama gildi um Ísland og nágrannalöndin og Bandaríkin hvað þetta varðar. Rekja má þessa þróun til breytinga á lífsstíl okkar sem hefur átt sér stað undanfarna tvo til þrjá áratugi.
Hreyfingaleysi er viðvarandi vegna þeirrar menningarlegu breytinga sem felast í því að mikill meirihluti afþreyingar fer í dag fram við tölvu- eða sjónvarpsskjá. Mataræðið hefur ennfremur breyst á þann veg að auðvelt er að innbyrða gríðarlegt magn hitaeininga á auðveldan hátt í formi gosdrykkja og orkuríkra skyndibita.
Offituvandamálið er ekki síður viðvarandi hjá fullorðna fólkinu. Í baráttu sinni við offituna hneygist fullorðna fólkið til þess að fara á kolvetnalágt mataræði sem orðið er tískufyrirbrigði þessa dagana. Börn ættu ekki að fara að dæmi foreldrana hvað kolvetnalágt mataræði varðar. Brasilísk rannsókn á tilraunarottum sýnir fram á mjög neikvæð heilsufarsleg áhrif á ungar rottur sem settar eru á kolvetnalágt mataræði.
Kolvetnalágt mataræði stuðlar að frekar hraðri léttingu, en dregur úr vexti og hlutfallslega er meiri fitusöfnun á magasvæðinu en ella. Það er þekkt staðreynd í dag að mikil magafita tengist minni skilvirkni á úrvinnslu blóðsykurs og veldur að lokum hjarta- og kransæðasjúkdómum.
Feit börn ættu því alls ekki að fylgja hitaeininga- og kolvetnalágu mataræði vegna vísbendinga um að það dragi úr eðlilegum vexti og trufli efnaskipti. Þau ættu frekar að vera á hitaeiningalágu mataræði sem fylgir ráðlögðum hlutföllum á milli orkuefnana, fitu, prótíns og kolvetna. Aukin hreyfing skiptir líka gríðarlegu máli. Ef draga á saman mikilvægustu atriðin sem stuðla að léttingu feitra barna, þá er það eftirfarandi:
– Draga úr sjónvarps- og tölvuviðveru.
– Hætta neyslu skyndibita og gosdrykkja.
– Auka alla daglega hreyfingu.
Newsday