Flestir vilja vera með kviðvöðva sem eru eins og þvottabretti – harða og skorna. Hinsvegar valda sumar kviðæfingar miklu álagi á neðra bakið sem getur leitt til bakmeiðsla eða verkja í neðra bakinu. Átakið sem myndast á bakið í 12 mismunandi magaæfingum var rannsakað með hátækniaðferðum til þess að sjá hversu mikið átakið væri á bakið og hvaða æfingar tækju minnst á bakið. Niðurstöðurnar bentu til þess að eftirfarandi æfingar væru bestar fyrir rectus abdominis vöðvann (miðju kviðvöðvana), ytri og innri obliques (hliðarvöðvarnir) án þess að valda miklu átaki á neðra bakið: uppsetur með fætur lausa, uppsetur með fætur fastar, uppsetur til skiptis á hvorn fót og hangandi fótalyftur með fætur beinar.
Mælt er með þessum æfingum. Uppseturnar með lausa fætur eru gerðar liggjandi á bakinu með fæturnar á gólfinu til þess að hnén séu í 90 gráðu vinkil og handleggirnir með síðum og lófar í gólf. Höndunum var ýtt fram um leið og öxlunum er lyft frá gólfinu. Uppseturnar með fæturnar fastar voru gerðar eins nema hvað fótunum er haldið niðri með ólum. Uppsetur til skiptis á hvorn fót voru gerðar með hnén í 90 gráðu vinkil, hendurnar voru við kynn, snúið upp á mjaðmirnar olnbogunum ýtt á móts við mótstætt hné án þess að snerta það þó um leið og lyft var. Hangandi fótalyftur með beina bætur voru gerðar með því að hanga á höndunum á stöng og fótunum var lyft þannig að þeir voru samsíða gólfinu og hnjánum var haldið beinum. Besta magaæfingin til þess að leggja áherslu á miðlægu magavöðvana var fjórðungsuppsetan, þar sem byrjað er í svipaðri stellingu og uppsetur sem teknar eru til skiptis á hvorn fót. Æfingin var gerð þannig að búknum var lyft beint fram. Ekki var mælt með nokkrum æfingum eftir rannsóknina vegna þess að þær tóku lítið á kviðinn og tóku mikið á bakið, en þær voru: fótalyftur liggjandi á bakinu með beina fætur, fótalyftur liggjandi á bakinu með bogin hné, uppsetur til skiptis á hvorn fót – fastar og hangandi fótalyftur með bogin hné. Fyrir þá sem eru bakveikir getur skipt miklu máli að kynna sér þær vel og velja þær réttu.