Á dögunum var haldið Bikarmeistaramót Íslands í fitness á Hótel Íslandi. Mótið var úrtökumót fyrir Norðurlandamót sem haldið verður í Lundi í Svíþjóð 19. maí á þessu ári. Það er kærkomið að geta sent keppendur á Norðurlandamótið vegna þess að þar er í fyrsta skipti vettvangur sem karlar geta keppt á erlendri grundu. Í karlaflokki voru 12 keppendur mættir til leiks og í kvennaflokki einungis þrjár konur. Það lá í loftinu að margir keppendur væru að stefna að Íslandsmótinu sem haldið verður á Akureyri 13 og 14 apríl. Ennfremur er ljóst að konurnar mikla fyrir sér að þurfa að gera danslotu í keppninni en það hefur heldur enginn haldið því fram að keppnin væri auðveld. Sigurvegarar karla1. Arnar Grant 2. Jakob Már Jónharðsson 3. Sigurður KjartanssonSigurvegarar kvenna 1. Sif Garðarsdóttir 2. Anna María Torfadóttir 3. Rut Garðarsdóttir Arnar Grant var sterkastur í samanburðinum með 14 stig en á eftir honum komu Sigurður Kjartansson og Jakob Már Jónharðsson jafnir með 34 stig. Keppt var í hindranabraut sem var líklega ein sú erfiðasta frá upphafi. Keppendur þurftu að böðlast með dekk, róa, klifra, hlaupa á jafnvægisslá ofl. Í hindranabrautinni var Benedikt Oddsson með besta tímann. Benedikt lést í hörmulegu umferðarslysi á Reykjanesbrautinni stuttu eftir keppnina. Svavar Jóhannsson, Þorvaldur Birgir Arnarson og Jakob Már Jónharðsson. Rut Garðarsdóttir, Anna María Torfadóttir og Sif Garðarsdóttir
Bikarmeistaramótið í fitness 2000
