Einn af hornsteinum magaæfinganna er æfingin uppsetur. Hinsvegar getur æfingin gert meira ógagn en gagn ef hún er ekki gerð rétt. Sumar aðferðir við að gera æfinguna geta valdið skaða. Í fyrsta lagi er ekki æskilegt að gera uppsetur með beina fætur. Það getur valdið bakmeiðslum og byggist frekar á mjaðmavöðvum en magavöðvunum. Í öðru lagi má ekki fetta sig. Haltu bakinu flötu á gólfinu. Ef bakið er fett myndast of mikið álag á það. Í þriðja lagi skaltu ekki lyfta skrokknum of mikið. Þú notar magavöðvana meira þegar þú reisir einungis höfuð, hnakka og axlir. Í fjórða lagi skaltu ekki gera æfinguna of hratt. Ef æfingin er gerð of hratt nýtist orkan úr skriðþunganum í hreyfinguna og minna átak myndast. Hægðu frekar á þér og finndu fyrir brennslunni. Í fimmta lagi skaltu ekki halda í þér andanum. Það getur aukið blóðþrýstinginn of mikið. Að lokum skaltu ekki ofgera þér. Auktu lotur og endurtekningar jafnt og þétt. Róm var ekki byggð á einum degi.