Hörkuspennandi forkeppni á Íslandsmótinu

Forkeppni Íslandsmótsins í fitness fór fram í Íþróttahöllinni á Akureyri í gærkvöldi. Til úrslita keppa 15 konur og 17 karlar í hörkuspennandi úrslitakeppni sem fram fer í kvöld – laugardagskvöld og hefst kl 17.00. Keppendur eru í góðu formi og vægt til orða tekið að stefni í hörku keppni enda jafnt á með mönnum. Í forkeppninni var Pétur Friðriksson með flestar upphýfingar og dýfur, eða alls 71 og annar varð Sigurbjörn Ingi Guðmundsson með 64. Komnar eru myndir frá Myndrún ehf í myndasafnið frá forkeppninni og staðan í æfingum karla er hér á eftir. Í formfitness kvenna eru margir góðir keppendur og greinilegt að þetta keppnisform er komið til að vera. Áhugasamir eru hvattir til að mæta í Íþróttahöllina á laugardagskvöld til að fylgjast með spennandi úrslitakeppni. Staðan í æfingum sem gilda 25% í heildarkeppninni: