Keppendalisti Norðurlandamótsins

Alls er reiknað með 119 keppendum á Norðurlandamótið í fitness og vaxtarrækt sem fer fram 1. nóvember í Háskólabíói. Þar af 40 íslendingar. Fjölmargir af bestu keppendum munu stíga á svið. Sumir eru Norðurlanda- Evrópu- og heimsmeistarar og munu því gera harða atlögu að efstu sætunu á mótinu.  Þetta er að öllum líkindum stærsta Norðurlandamót frá upphafi og vel við hæfi að þátttökumetið sé slegið hér á landi. Mótið hefst kl 9.00 laugardaginn 1. nóvember með forkeppni sem stendur fram eftir degi. Klukkan 18.00 hefjast úrslitin. Áhugafólk um líkamsrækt ætti ekki að missa af þessum viðburði þar sem alþjóðleg mót eru sjaldan haldin hér á landi. Það gefst einstætt tækifæri til að sjá keppendur í fremstu röð.

Auk keppenda koma fjölmargir fylgifiskar erlendis frá. Fjölmiðlamenn, þjálfarar, liðsstjórar, dómarar og áhugamenn. Alls koma 10 dómarar með alþjóðleg dómararéttindi til viðbótar við fjóra íslenska alþjóðlega dómara.  Keppt er í 14 keppnisflokkum og krýndir verða heildarsigurvegarar í öllum keppnisgreinum.

Íslensku keppendurnir eru margir í góðu formi þessa dagana enda stefna margir líka á Bikarmótið sem mun fara fram um miðjan nóvember. Það verður því spennandi að sjá hvort við munum eignast Norðurlandameistara í einhverjum flokkum.

Forsala miða mun hefjast miðvikudaginn 22. október í Hreysti í Skeifunni. Reikna má með þéttsetnu húsi og fjölda erlendra gesta og eru áhugsamir því hvattir til að tryggja sér miða í tíma.

Keppendalisti