Af gefnu tilefni vilja Fitnessfréttir benda á að í greinaskrifum blaðsins er þess vandlega gætt að hagsmunaaðilar komi þar hvergi nærri með sinn áróður – sérstaklega að greinarhöfundar séu ekki með umboð fyrir þær vörur eða bætiefni sem þeir skrifa um. Mikið er skrifað um bætiefni af ýmsum toga í Fitnessfréttum, en þess gætt að einum framleiðanda sé ekki hælt umfram annan og þegar um ný bætiefni er að ræða er sagt frá þeim á kynningarsíðunni svo augljóst sé að um vörukynningu sé að ræða. Fitnessfréttir byggjast á auglýsingum, en skilja verður á milli auglýsinga og greinaskrifa þar sem traust lesenda liggur í hlutlausri framsetningu greina með áreiðanlegum heimildum. Ástæða þykir til að benda lesendum á þessi grundvallaratriði.
