Haldið verður Þrekmeistaramót í Íþróttahöllinni á Akureyri laugardaginn 5. nóvember 2005. Verðandi þrekmeistarar geta farið að stefna á þessa dagsetningu og skipuleggja æfingaplönin með tilliti til þess.Reikna má með að breyting verði gerð á dagskránni á laugardeginum frá því sem verið hefur vegna fjölda þátttakenda. Á síðasta þrekmeistaramóti kom berlega í ljós að vegna fjölda (vinsælda) keppenda var keppnin orðin full löng. Er því fyrirhugað að skipta henni upp í einstaklings- og liðakeppni með hléi á milli. Nánari dagskrá verður auglýst síðar, en ætla má að einstaklingskeppnin hefjist að morgni laugardagsins og að liðakeppnin fari fram síðar um daginn. Frekari upplýsingar veitir Einar Guðmann 846 1570