Skráning er hafin á Íslandsmótið í fitness 2021

Það hafa ekki verið haldin fitnessmót hér á landi síðan Covid-faraldurinn hófst. Nú ber svo við að það styttist í að Íslandsmótið í fitness verði haldið laugardaginn 6. nóvember í Menningarhúsinu Hofi á Akureyri. Skráning er hafin hér á fitness.is.

Þjálfarar úr ýmsum áttum hafa hvíslað því að nokkur fjöldi keppenda sé að undirbúa sig fyrir Íslandsmótið. Ekki er auðvelt að giska á hversu margir þeir eru, en til þess að sjá hvernig landið liggur eru keppendur hvattir til að skrá sig sem fyrst. Skráning mun standa yfir í stuttan tíma og lýkur 10. október. Þeir sem ætla að keppa eru líklega ekki lengur í vafa um það hvort þeir ætli að stíga á svið og fyrir mótshaldara er mikilvægt að vita hversu margir keppendur eru að stefna á mótið.

FYRIR KEPPENDUR

Keppnisgjald er kr. 6000,- Ef keppt er í aukaflokki bætist við kr. 3000,-

Vinsamlegast greiðið keppnis- og félagsgjaldið inn á eftirfarandi reikning. Banki 0566-26-5534 kt:680501-2540 og sendið kvittun á netfangið keppni@fitness.is. Keppnisgjald fæst ekki endurgreitt.

Skráning á Íslandsmót 2021

Eftirfarandi er skráningareyðublað fyrir keppendur á Íslandsmót IFBB í fitness sem haldið verður Í Menningarhúsinu Hofi á Akureyri - Laugardaginn 6. nóvember 2021.

Veldu keppnisflokk.

Veldu keppnisflokk. Einungis er heimilt að keppa í einni keppnisgrein og hafa ber í huga að ef svo fer að einungis tveir keppendur eða færri skrá sig í flokk er hugsanlegt að hann verði sameinaður við aðra flokka. Unglingar og öldungar mega keppa í tveimur flokkum og þá viðeigandi hæðar- eða þyngdarflokkum.

Það er heppilegt en ekki nauðsynlegt að vita áætlaða þyngd keppenda á mótsdag ef svo færi að sameina þyrfti flokka vegna þátttöku.

Allir keppendur sem eru í ákveðnum flokkum eru hæðarmældir í innritun.

Allir keppendur á vegum Alþjóðsambands líkamsræktarmanna, IFBB þurfa að samþykkja að fara að öllum reglum IFBB. Reglurnar er að finna á ifbb.com og fitness.is.

CAPTCHA image